### Fantastiske fylle-historiar.

Av og til snublar ein over gull. So var tilfelle for meg ein dag eg tufla med fjernkontrollen og rota meg gjennom kanalane. På Comedy Central kom eg nemleg over programmet “Drunk History”, og der vart eg verande.
<center>![](https://steemitimages.com/DQmV9NXeFZJS7hLBTgstE91MWbHsnQDk5xcUcLXdC49Yaex/image.png)
[Photo Source](http://www.newnownext.com/drunk-history-review/08/2013/)</center>
Konseptet er enkelt. Finn ein person som kan tilstrekkeleg mykje om eit historisk emne, skjenk dei sørpings, og la dei fortelje om temaet framfor kameraet og ein like møkings tv-vert. Medan dei herlege forteljarane sit som geleaktige slakt i stolen sin, og bælmar ut både verdshistorie og andre kroppslydar, vert alt dei fortel dramatisert av kjende skodespelarar. Jack Black, Nathan Fillion, Winona Ryder og Don Cheadle (kjend frå blandt anna [House of Lies](https://steemit.com/norway/@driftnerd/tv-tip-house-of-lies)) er nokre av dei du kan sjå. Sidan det kun er forteljaren si stemme ein høyrer, så må skodespelarane mime dialogen, noko som vert ekstra artigt når forteljaren får hikke, rapar eller rett og slett sovnar, og stjernene må gjere det same.

Ein ufatteleg underholdande måte å lære historie på. Kanskje fleire historielærarar bør ty til flaska? Flekk opp VG TV-guide appen din og sjekk når neste sending er, evt sjekk ut ei speleliste på youtube [her](https://www.youtube.com/watch?v=ZFLr9-Vv0us&list=PLD7nPL1U-R5pSwKIcVaIQrG5BnGMbHI5H).
<center>![](https://steemitimages.com/DQmP2tBb4R9zhk5fy35MqyC5vxEHvWAr2zaTvfHRbVPytzr/image.png)
[Photo Source](https://twitter.com/rejectedjokes/status/666306074018910208)</center>